„СДСМ го заврши процесот на реевиденција и активна регистрација на членството усешно и во духот на демократските процеси. Над 80.000 членови се ажурирани, што значи дека семејството на македонските социјалдемократи, СДСМ, има над 80.000 членови. Социјалдемократското семејство е доволно големо, силно да го продолжи напредокот“, изјави денеска генералниот секретар на СДСМ, Љупчо Николовски од Струмица.
Тој информира дека низ целиот процес на ажурирање имале и илјадници нови членови, првенствено млади лица кои пристапиле кон ова македонско социјалдемократско семејство.
„Граѓаните ги препознаваат успешните политики на СДСМ, препознаваат дека правдата, напредокот, развојот и интеграцијата се можни само со СДСМ и затоа секојдневно се приклучуваат. Тоа е нова енергија, нова додадена вредност за нашата партија. СДСМ победува, СДСМ расте и се менува во континуитет. Овој процес на промени го заокружуваме на 21 март кога ќе се одржат првите внатрепартиски неспосредни избори, каде секој член ќе може да гласа за новиот претседател на СДСМ. На 21 март СДСМ ќе постави уште еден нов стандард на партиското делување, преку организирање на внатрепартиски избори ширум републиката. Тоа врв на демократијата, тоа е значаен храбар чекор кој треба да послужи како пример за останатите политички партии во државата и да допринесе за развој на демократијата. Продолжуваме одговорно, чесно, праведно и транспарентно да работиме во интерес на граѓаните и државата“, истакна Николовски.