Алијансата за Албанците и Алтернатива ја прифатија поканата од лидерот на ДУИ Али Ахмети за зедничка средба со лидерите на партиите од албанскиот политички блок, но бараат наместо утре, таа да се одржи на друг датум, почнувајќи од 17 август.
Села на фејсбук напиша дека тие во принцип се согласуваат на ваква средба, но бараат средбата да се одржи по понеделник, 17 август, за да бидат детално информирани и организирани.
– Сметаме дека политичкиот механизам на тркалезната маса е важен политички инструмент за координирање на позициите на албанските парламентарни партии и како таков, сметаме дека треба да продолжи да се негува за артикулација на албанските интереси во Северна Македонија. Размислете за можноста за друг датум почнувајќи од понеделник (17.08.2020) натаму, секако со известување неколку дена претходно со дневниот ред на средбата, се вели во писмото на Алијансата за Албанците и Алтернатива до претседателот на ДУИ, Али Ахмети.
За да имаме суштински и плоден состанок, се посочува во партиското писмо, би било добро поканата да има предлог за агендата, за да, како што велат, имаат појасна идеја за причината за организирање на средбата на тркалезната маса на албанските парламентарни партии.
Ахмети за утре, 13 јули, по повод годишнитата од Ракмовниот договор ги кани на заедничка средба парламентарните политички партии на Албанците. На средбата што би се одржала во Скопје поканети се лидерите на Алтернатива Африм Гаши, Билал Касами на Беса, Зијадин Села – АА и Мендух Тачи – ДПА. Средбата доаѓа во време кога се уште не е формирана новата Влада, а ДУИ инсистира да го оствари своето предизборно ветување за премиер-Албанец.