Потпретседателот на Барселона, Жорди Местре објави дека каталонците ќе располагаат со скромна сума од 60 милиони евра за нови засилувања во текот на летото.
Сумата е прилично незначителна, мислејќи на напумпаните цени во последно време, но сепак кон неа ќе се додадат и парите од евентуалната продажба на некои од достапните играчи на каталонците. Во јануари Барса се засили со трансферната цел – Филипе Кутињо, откако за него плати 160 милиони евра.
„Секоја сезона имаме иста сума за селекција. Таа е во износ од 60 милиони евра и кон неа ги додаваме сите приходи од продадени играчи. Така ќе биде и ова лето и тренерот ни е свесен за буџетот. Одделно, имаме и огромен процент трошоци за плати, но со ѕвездите со кои располагаме, нема како да поминеме поевтино. Нашата потрага е спортски успех со економски раст“, рече Местре.
Потсетуваме дека шпанскиот гигант потроши околу 300 милиони. Евра во последната сезона за нови засилувања, но и се раздели со Нејмар за сума од 222 милиони евра.