Украинските борци кои ќе останат во Мариупол и ќе одбијат да се предадат ќе бидат елиминирани, изјави лидерот на Доњецката Народна Република (ДПР), поддржана од Русија. Војниците на руските сојузници се блиску до освојување на градот Мариупол на југот на земјата, но се верува дека украинските сили се спротивставуваат на нападите од областа на пристаништето и фабриката Азовстал – голема фабрика за железо и челик.
Се појавија видеа од украинските сили, кои ветуваат дека нема да ги предадат своите позиции. Оваа недела Москва објави дека повеќе од 1.000 украински маринци се предале во Мариупол, но Украина го отфрли тврдењето. Говорејќи пред новинарите во Мариупол, началникот на ДПР Денис Пушилин рече дека „оние членови на регуларната армија, како маринците што ги видовте, кои се подготвени да се предадат, се предале“.
„Бидејќи националистите, односно членовите на националистичките баталјони, немаат намера да се предадат, тие мора да бидат елиминирани“.
Снимка од Пушилин како стои покрај чеченскиот политичар Адам Делимханов и опкружен со војници беше емитувана на рускиот информативен канал „Россија 24.“ помеѓу Крим на запад и Донбас на исток.