„Секој пат кога ќе видите човек кој ја вади етничката карта во кампања, да знаете дека тој ништо друго нема што да ви понуди. Ги нудат рециклираните национализми и со тоа апла соопштуваат дека нема што друго да понудат. Дали тоа е од што се заситени од практикување на власта или од многу кампањи не знам. Граѓаните очекуваат нешто различно“, изјави Радмила Шекеринска во емисијата „Само вистина“.
„Еве и сега гледате 10 минути од дебатава зборуваме за тема која не постои. ДУИ пушти петарда и ние сега треба да го гледаме чадот и да не гледаме тој е бессуштински. Никој во ДУИ не работи и навива Зибери да биде премиер. Ова им е нив само пополнување на времето во нивната кампања. После овие избори, премиер ќе биде Зоран Заев, кој зборува македонски јазик и кој е Македонец и кој има силна поддршка и кај Македонците и кај Албанците и кај Турците итн“, рече Шекеринска, одговарајќи на прашање поврзано со капмањата на ДУИ за премиер Албанец.