Војвотката од Кембриџ, Кејт Мидлтон (39) на својот профил на Твитер објави фотографија на која се гледа како ја прима својата прва доза на вакцина за коронавирус во Музејот на наука во Лондон.
Имено, фотографијата што требаше да покаже како Кејт се грижи за своето здравје, фановите ја протолкуваа на сосема поинаков начин. Многумина од нив сега се загрижени за нејзиното здравје.
Сопругата на принцот Вилијам (38) изгледа многу слабо на фотографиите од вакцинацијата, а некои следбеници веднаш заклучија дека тоа е предизвикано од нарушување во исхраната со која веќе се бореше во 2011 година кога го доби прекарот „војвотката која исчезнува“.
Иако тогаш палатата ги негираше сите обвинувања дека Кејт се бори со нарушувањето, нејзината тежина пред да се омажи за принцот Вилијам драстично се промени.
Со оглед на тоа што принцот Хари (36) и Меган Маркл (39) упатија сериозни обвинувања кон кралското семејство во шокантно интервју со Опра Винфри (67) пред неколку месеци, апсолутно е разбирливо дека Кејт и нејзиното семејство се наоѓаат под лупа која им предизвикува дополнителна количина на стрес.
Имено, покрај Кејт, проблеми со јадење имала и принцезата Дајана, мајката на принцот Вилијам и принцот Хари, која исто така страдала од булимија.