САД се на нозе поради убиството на Афроамериканецот Џорџ Флојд кој беше убиен од полицискиот службеник Дерек Човин.
Низ целата земја избувнаа масовни протести, кои се претворија во немири во многу градови, а сопругата на обвинетиот полицаец, Кели Човин, поднела барање за развод.
Нејзиниот адвокат потврдил дека таа одлучила да го стори тоа по 10 години брак.
Кели изразила сочувство до семејството на жртвата Џорџ Флојд, а потоа побарала приватност.
„Иако нема деца од бракот со Човин, таа бара од своите деца, родителите и поширокото семејство да им се обезбеди безбедност и приватност во овој период“, изјавил адвокатот.
Kellie Chauvin,
Through her attorney wife of former Officer Derek Chauvin the former Minneapolis Police Officer charged with murdering #GeorgeFloyd released a statement saying she is devastated by Floyd’s death, sends condolences to his family and is divorcing her husband @wcco pic.twitter.com/A5n7bYgdbK— esme murphy (@esmemurphy) May 30, 2020
Да потсетиме, Дерек Човин е обвинет за убиство од трет степен.
Мајк Фримен, обвинител од округот Хенепин, потврдил дека е поднесено обвинение и не ја исклучи можноста дека против Човин ќе бидат поднесени повеќе обвиненија. Доколку биде осуден, тој се соочува со најмалку 25 години затвор.
„Тој е обвинет за убиство и моментално во притвор. Имаме докази, видеа на очевидци кои ги прикажуваат ужасните сцени, снимки од камерите кои полицијците ги носеле на униформите, изјави од сведоци“, рече Фримен.
За време на неговата кариера, против Човин имало дури 18 пријави и бил вклучен во неколку проблематични случаи во кои настрадале осомничените, претежно членови на малцинствата.