216
Генералниот секретар на НАТО Јенс Столтенберг денеска најави дека испраќањето дополнителни војници на Косово „не значи“ дека алијансата се откажува од можно политичко решение на тензиите меѓу Белград и Приштина.
На маргините на дводневниот состанок на дипломатите на алијансата во Осло, тој пред новинарите изјави дека има забележително зголемување на тензиите на Косово и дека насилството врз КФОР, мировните сили на НАТО, е тотално неприфатливо.
„НАТО ќе остане буден. Ќе бидеме таму за да обезбедиме безбедна средина, како и да ги смириме и намалиме тензиите“, најави Столтенберг.