Миконос е прв на удар, но воведувањето мини-локдаун сериозно им се заканува на Крит, Иос, Парос и Санторини, острови кои веќе се наоѓаат во портокаловата зона бидејќи алармантно расте бројот на заразени со коронавирус.
Ненадејното и ненајавено воведување строги мерки за забрана на Миконос, кои се на сила до 26 јули, ги шокираше локалните угостители, но и туристите кои дојдоа на „островот на ветровите“ и најпосетуваната туристичка дестинација, главно поради доброто време. Ограничување на какво било движење од еден до шест часот наутро, забрана за музика во сите објекти од локали до барови на плажа, намалување на бројот на луѓе во група на максимум 20 лица со можност да се намали бројот на шест или четири при посета на ресторан, за само една ноќ го претвори Миконос во непрепознатлив остров. Многу гости, а имало и милион од нив во текот на летото, размислуваат да заминат на друга дестинација каде што рестриктивните мерки сè уште не стапиле на сила.
Туристичките компании се во паника затоа што започна масовното откажување на аранжманите за август и септември. Гостите кои дојдоа на најдобрите забави, меѓу нив и филмските sвезди и пејачи, се откажаа од летните одмори под несигурни услови, плашејќи се дека мерките може да бидат уште построги. Веќе сега, секој угостител или сопственик на вила кој дозволува организирање забави и ја прекршува забраната, ризикува да добие казна од 50 до 200 илјади евра.
„Одлуката на владата е катастрофа за Миконос, бидејќи веднаш по објавувањето на одлуката за заклучување, гостите започнаа да заминуваат. Туристите дојдоа кај нас да се забавуваат, да не го ограничуваат нивното движење или да не можат да слушаат музика. Јасно ни е дека ситуацијата е критична бидејќи владата одлучи да го затвори островот, кој е предводник на туризмот, но одлуката ја доведува во прашање иднината на островот“, изјави Херкулес Зисимопулос, претставник на локалното здружение на бизнис за порталот Иефемерида и во име на сите, бара посебни мерки за островот за да не бидат сите посетители, вакцинирани и оние кои не се, ставени во „иста вреќа“. Исто така, се бара воведување на задолжителна вакцинација за сите вработени во туризмот, угостителството и забавата и заштита на компаниите што ќе ги суспендираат работниците кои ја избегнуваат оваа обврска. Зисимопулос зборува за незадоволството на локалниот бизнис и нагласува дека „одлуката на владата е реалност што тие не можат да ја прифатат“.
Доколку не се најде друго решение, туризмот на островот ќе биде целосно уништен, вели градоначалникот на Миконос, Александрос Кукас и потсетува дека од гостите живеат 20 илјади жители на островот. Тој и порачува на владата дека воведените мерки се погрешни и нефер, затоа што туристите ќе бараат забава на друга дестинација во време кога Грција е во добра сезона и дека е потребно да се опорави.
Сепак, судејќи според најавите на кризниот штаб, истата судбина и можноста за воведување мини-локдаун ги чека Крит, Иос, Санторини и Парос, каде што бројот на пациенти се зголеми седум пати за една недела. Нема болнички капацитети на островите, а понатамошното зголемување на бројот на заразени може да биде катастрофално. Така, на пример, на почетокот на јуни имало девет заразени лица на Миконос, 65 на 7 јули, а моментално 418. На Крит, особено во Ретимно и Иракли, бројот на заразени е четири до пет пати поголем од минатата недела, што остава отворено можноста за строги мерки за забрана и примена таму.
Бројот на пациенти во Грција е околу 3.000 на дневно ниво, делтата мутација е сè поприсутна, така што кризниот штаб воведува нови мерки секој ден каде што е потребно, како што се околината на Атина и центарот на градот, каде што таму се над 1000 нови пациенти на ден. Контролата во пристаништето Пиреја е засилена така што отсега вакцинирани и оние со редовен ПЦР-тест за да можат да се качат на бродот за да се вратат на копното, додека другите треба да направат брз тест.
Зајакната е контролата во затворениот простор на ресторани и кафулиња, во клубови и кина, каде можат да влезат само вакцинираните. Сепак, има проблеми со QR код бидејќи апликациите за читање што ги даваа бесплатно сите грчки угостители и многу продавници – не го препознаваат. Поточно, имало неколку случаи кои, ако скенирањето е направено со општа апликација за скенирање на телефонот, податоците се читаат, но не преку апликацијата што сега е во масовна употреба во Грција.