Судир на два воени авиони над Украина – загинаа три лица, меѓу нив и познат пилот

Украинското Државно биро за истраги објави дека ќе ја истражи авионската несреќа што се случи вчера во регионот Житомир.

Во несреќата загинаа тројца пилоти на украинските воздухопловни сили, меѓу кои и пилот познат по прекарот „Џус“. Бил член на 40-та тактичка воздухопловна бригада.

Достапните информации покажуваат дека два авиони за борбена обука L-39 се судриле на небото над регионот Житомир. Во моментов се вршат примарни истраги, истрага на местото на инцидентот, распит на сведоци, а наредени се и голем број вештачења, пишува Украинска правда.