Белоруската опозициска лидерка Светлана Тихановскаја изјави дека белорускиот претседател Александар Лукашенко е толку слаб што неговата војска не е повикана да се бори во Украина. Таа изјави дека рускиот претседател Владимир Путин не може да биде сигурен дека војниците ќе ги следат наредбите на Лукашенко.
„Лукашенко би ѝ наредил на белоруската армија да учествува во инвазијата ако е сигурен дека ќе се борат. Замислете ја ситуацијата ако тој наредил, белоруската армија ја преминува границата, а потоа војниците се кријат и бегаат затоа што навистина не сакаат да се борат против Украинците. Замислете како ќе биде тогаш неговата репутација пред Путин и Кремљ. Тоа би бил епски неуспех“, изјави Тихановскаја за „Политико“ во Брисел.
Лукашенко го засили штракањето со оружје оваа недела, ветувајќи дека ќе спроведе заеднички операции со Русите. Иако одлуката на Белорусија внимателно се следи, Тихановскаја инсистира дека Путин тешко може да дозволи белоруски војници да ја преминат границата.
„Мислам дека руската команда нема доверба во белоруската армија. Тие не се сигурни дека ќе ги исполнат наредбите“, рече таа.
„Имиџот на непобедливост на Лукашенка е илузија“
Тихановскаја беше во трка за претседател на Белорусија на изборите во 2020 година, пред да биде принудена да ја напушти Белорусија откако Кремљ ја скрши опозицијата. Таа сега живее во егзил и наведува дека Лукашенко станува се послаб и послаб, особено сега, кога силите на Киев повторно заземаат големи делови од територијата, а руската борба слабее.
„Имиџот на непобедливост на Лукашенка е илузија која се урива“, вели Тихановскаја. Таа се осврна и на извештаите за десетици Белоруси кои во февруари ги откажаа железничките врски што ја поврзуваа Русија со Украина преку Белорусија. Така ги прекинаа линиите за снабдување на Москва.
„Нивните чинови на саботажа беа неочекувани“, рече таа.
Луѓето од тимот на Тихановскаја велат дека во првите денови од војната биле преплавени со информации. Тие изјавија дека дури и членовите на белорускиот воен естаблишмент „почнале да бараат излез“.
„Сега добиваме многу информации одвнатре, дури и од луѓе во армијата кои стојат на границата. Исто така, 30.000 обични доброволци ни испраќаат информации за руските војници“, рече Франак Виачорка од тимот на Тихановскаја.