Добрата епидемиолошка состојба во последните денови во Грција е забележлива и во податоците за пандемијата на коронавирус, објавени денес од Европскиот центар за превенција и контрола на болести (ЕЦДЦ), во кој Грција е единствената земја на Европската унија со „зелени зони“ што укажува на ниски стапки на нови инфекции на Ковид 19.
Мапите на ЕЦДЦ се базираат на податоци за 14 дена наназад, до вторник на полноќ секоја недела, а зелените зони на Грција, кои се показател за 14-дневната стапка на тестирања и позитивноста на тестот на Ковид 19, се наоѓаат во делови на Епир и Циклада, Јонските и Додеканските острови, пренесува АНА.
Остатокот од земјата е исто така подобар од просекот на ЕУ и е во жолтата зона, додека повеќето земји на ЕУ се во црвена зона.
Цела Грција е обележана со зелена боја за стапката на позитивност, што значи дека е под 4 проценти, во време кога поголемиот дел од Европа е во жолтата зона со стапки повисоки од 4 проценти.
Грција исто така била меѓу земјите со најмалку случаи на 100.000 жители во тој период, според агенцијата.