Висок член на албанската влада е уапсен од полицијата во акција координирана од Интерпол по истрагата на судот во Ла Коруња.
Алфред Продани (41) е уапсен во градот Ласа и треба да биде екстрадиран во Шпанија за да му се суди за наводен насилен грабеж во десетици домови во Шпанија, вклучувајќи го и грабежот на домот на Карим Бензема, фудбалер на Реал Мадрид.
Оваа информација ја откри шпански „Ас“, а Бензема беше жртва на грабежот во 2019 година додека Реал го играше „Ел Класико“ против Барселона.
Натпреварот се играл во рамките на полуфиналето на Купот на кралот, а Французинот по последниот свиреж дознал за грабежот.
Зад ова дело наводно стоел Продани, кој е обвинет за уште 40 грабежи од 2013 година.
El funcionario Alfred Prodani está acusado del presunto "robo con violencia" en más de 40 domicilios españoles, entre ellos el del jugador del Real Madrid. https://t.co/EtS88zKKWI
— TikitakAS (@AS_TikitakAS) May 11, 2022
Обвинетиот со години бил директор на јавното водостопанство во Курбин, а на таа функција дошол поради неговите врски со албанската социјалистичка влада.
„Краде од Бензема и го поставуваат за директор. Ако успее да го ограби Меси, ќе го назначат за министер“, изјавил Кресник Спахиу, лидер на националистичката партија Црвено-црн сојуз.
Апсењето, со „убедливи“ докази и без „гранична грешка“, според албанскиот весник, дошло три години откако поранешниот министер го обвинил за грабеж. Сали Бериша уште во 2019 година тврди дека Продани ја ограбил куќата на Бензема и дека имал помошник.