Уставниот суд, ќе одлучува за иницијативата на оштетените штедачи во Еуростандард

Уставниот суд денеска повторно ќе расправа за иницијативата за оценка за уставноста и законитоста на член 163 став 3 од Законот за банки.

Во образложението на иницијативата, Здружението, наведува дека со член 163 став 3 од Законот за банки, Фондот за осигурување на депозити е утврден како доверител со приоритетно право за наплата во однос на сите други доверители во случај на стечај на банка, меѓутоа одредбата со која Фондот за осигурување на депозити има приоритет при наплата на побарувањата од стечајната маса, е очигледно неуставна и затоа, сметаат дека Уставниот Суд треба да ја укине како таква и да ја стави вон сила.