Норвежанецот Кристофер Берган сакал да го изненади таткото на сопругата таст , кој живее на Флорида и да му го честита 61. роденден.
Норвежанецот тргнал на пат од Норвешка за Флорида и пристигнал во домот на Ричард Денис минатата недела во вторникот вечерта. Затропал на вратата, но тој не знаел кој е надвор и со зборови го бркал ненајавениот посетител, пренесува Си-Ен-Ен.
Неколку часа подоцна, во 11:30 часот, Ричард Денис повторно слушнал тропање на вратата, но овој пат на задната врата.
Домаќинот го запалил светлото и излегол, а потоа неговиот 37-годишен зет од Норвешка скокнал од сенка. Денис се исплашил затоа што не разбрал за што станува збор и испукал од пиштол , а куршумот го погодил Берган во срцето.
Несреќниот Норвежанец починал на самото место, објави шерифот на округот Санта Роса , Боб Џонсон.
Шерифот во истрагата заклучи дека станува збор за несреќен случај и никој не е обвинет.