Неверството е едно од најстрашните и болни нешта кои можат да му се случат на човек. За жал, сепак, никој не е осигуран, а со современиот начин на живот и “новите вредности” на 21-от век – измамата од љубовен аспект е нешто премногу често.
Колку и да мислите дека знаете сè за врските и љубовта, замислите тотално се превртуваат кога ќе станете жртва на неверство. Животот ви предава некои болни лекции, преку кои многу брзо сфаќате некои вистини. Еве и кои се тие:
Дознаваме дека љубовта не секогаш трае “засекогаш”
Ако до пред неверството сте живееле во розов балон, каде што сè беше мирно и идилично, по неа веќе имате сосема различна перцепција на зборот “засекогаш”. Веќе знаете дека ништо не е толку идеално како што изгледа и не секоја врска може да одолее на времето, тешкотиите и предизвиците.Сепак малку скептицизам е здрав.
Дознаваме дека очајот е меѓу најопасните чувства
Многу луѓе разбрале за предавството на својата партнерка, па се потопуваат во светот на очајот. Често тие се споредуваат со човекот со кого ги изневериле, а тоа не води до ништо добро. А обично со очајот доаѓа и самосожалувањето, што само може да ве депримира уште повеќе.
Дознаваме дека дури и најблиските луѓе се способни да прават навистина ужасни нешта
Вие ќе бидете потопени во длабочините на егоизмот, кој постои во светот. Луѓето се способни да прават ужасни нешта, дури и во однос на оние кои тврдат дека ги сакаат. Ова сознание ќе ве натера уште повеќе да ја цените својата лојалност и да барате таква и во идниот партнер.
Дознаваме дека довербата е најважна во една врска
Сфаќате дека треба да се најде човек, во кого можете да имате потполна доверба, како и тој во вас. Како што знаеме, довербата е една од најважните основи врз кои се гради здрава врска. Еднаш загубена, довербата е речиси неповратна.
Дознаваме дека всушност сме многу силни
Затоа што колку и страшно да ви изгледа сето тоа во почетокот, вие можете да се справите со него. Ги имате силите да се надмине сето и да се застане, откако сте паднале. И треба да се гордеете со себе!