Угостителските објекти и услужните објекти ќе можат да работат само до 17 часот во работните денови, а за време на викендите воопшто нема да можат да работат – е една од новите мерки предложени од Кризниот штаб на Србија, што Владата ќе ги донесе на седницата во четврток, дознава „Танјуг“.
Новите мерки ќе стапат на сила во петок, 4 декември.
Владата на Србија ќе ги донесе следниве нови мерки:
– продавниците за храна можат да работат секој ден до 21 часот, вклучително и за време на викендите;
– аптеките, бензинските пумпи за полнење гориво и доставувањето храна преку курир можат да работат на неодредено време, седум дена во неделата;
-театрите и кината може да бидат отворени секој ден до 17 часот, вклучително и за време на викендите;
-пазарите можат редовно да работат во работните денови, и за време на викендите од 6 до 15 часот.
-Угостителски и трговски компании, ресторани, кафулиња и барови, клубови, трговски центри, игротеки, обложувалници, продавници и сите други продажни објекти, козметички салони и фризерски салони, салони за убавина, фитнес центри, спортски сали и теретани, бањи и базени можат да работат во работните денови до 17 часот, а за време на викендите воопшто не можат да работат (од петок во 17 часот до понеделник во 5 часот наутро).
Ова дополнително го скрати работното време за еден час во работните денови, заедно со забрана за работа за време на викендите.