Вечерва имаме историски важна работна посета во Париз, на покана на Претседателот Макрон, објави премиерот Зоран Заев на социјалните мрежи.
Тој нагласи дека е инспириран од една изјава на Макрон пред студентите во Сорбона, во која порачал дека во Европа лежи нашиот идентитет и дека Европа ни дава иднина.
„Силно верувам, дека Франција може да биде мотор на проширувањето на ЕУ со Западниот Балкан“, потенцира Заев, додавајќи дека за нас е многу важно што Франција го поддржува процесот на интеграција на Северна Македонија во ЕУ, со јасно поставени стандарди и без да се губи време.
Од владината прес-служба попладнево информираа дека во состав на владината делегација се и заменик-претседателот задолжен за европски прашања Никола Димитров и министерот за надворешни работи Бујар Османи.