Француските здравствени власти ќе обезбедат бесплатни тестови за Ковид-19, без упат, бидејќи внимателно го следат зголемувањето на бројот на заразени лица по укинувањето на мерките за карантин.
PCR тестовите со земање брисеви од носот, кои откриваат инфекција со новиот коронавирус, ќе бидат достапни бесплатно по барање, според новите владини регулативи објавени во саботата.
„Ние не би го опишале како втор бран, но јасно е дека сега гледаме очигледно зголемување на бројот на потврдени случаи, кој беше во пад 13 недели“, рече министерот за здравство Оливие Веран во интервјуто објавено во неделното издание на Ле Парисиен.
Франција објави 30.192 смртни случаи како резултат на коронавирус и вкупно 180.528 заразени, според податоците објавени во петокот.
За еден ден, има повеќе од 1.000 нови инфекции во земјата, што приближно беше дневен број на заразени, откако во мај беа олеснети двомесечните карантински мерки.