Европскиот производител на авиони Airbus и француската авиокомпанија Air France, на кои им се судеше за „убиство од небрежност“ за падот на авионот на летот од Рио де Жанеиро до Париз во кој загинаа 228 лица, денеска беа ослободени пред судот во Париз.
Речиси 14 години по несреќата, судот за прекршоци во Париз ги ослободи двете компании, оценувајќи дека се направени грешки, но не е докажана причинско-последична врска со несреќата.
BREAKING: A French court has acquitted Airbus and Air France of manslaughter charges over the 2009 crash of Flight 447 from Rio to Paris. The accident killed 228 people and led to lasting changes in aircraft safety measures. https://t.co/DxVHpWK9zz
— The Associated Press (@AP) April 17, 2023
Групите за солидарност и поддршка на семејствата на жртвите изразија големо незадоволство од пресудата.
Летот AF447 се урна и потона во Атлантскиот Океан на први јуни 2009 година, при што загинаа 216 патници и 12 членови на екипажот. Во авионот имало државјани на 33 земји, меѓу кои 72 Французи и 58 Бразилци.
Тоа е најтешката несреќа во историјата на француската компанија.