Денеска се одржа средба меѓу Стефан Богоев, кандидат на СДСМ за градоначалник на општина Карпош и претставници од коалициските партнери за претстојните избори.
На средбата се разговараше за текот на изборната кампања.
Позитивниот прием меѓу граѓаните на Карпош е очигледен. Тоа го потврдија и денешните средби со граѓани кои ги имаше Богоев, заедно со кандидатите за советници и претставниците на коалициските партнери кои на граѓаните им го честитаа 11 Октомври – Ден на востанието на македонскиот народ.
Воочливо е дека карпошани ќе гласаат за промени, за зачувување на зеленилото во општината и справување со урбаната мафија.
Претставниците на коалициските партнери уште еднаш ја потврдија поддршката за кандидатот Стефан Богоев и истакнаа дека и во претстојниот период, после изборите се подготвени да помогнат за враќање на духот на Карпош.
Богоев посочи дека постои вистинска карпошова мобилизација, а и самиот Јакимовски, бегајќи во два наврати од ТВ соочување само потврдува дека е завршено со него.
Вртиме нова страница, носиме нова енергија и Тим за подобар живот во Карпош за сите.