Бред Пит се надева прашањето со старателството да се реши без жестоки битки во судот.
Бред Пит го испуштил намерно крајниот рок во кој треба да даде одговор на барањето за развод со Анџелина Џоли. Целта е да избегне жестоките битки во судот, кои би им наштетиле на децата, објавија кулоарските сајтови TMZ и “Ју Ес викли”. 52-годишниот актер нема и намера да даде официјален правен одговор, додека адвокатите на двојката не склучат вонсудско решение за старателството на нивните деца. Според TMZ, Пит се надева дека ќе добие правно и физичко старателство, но и да ја избегне битката во судот. ТMZ пишува дека има уште една причина Бред Пит да лебди на оваа тема. Сеуште тече истрагата на конфронтацијата на авионот меѓу Бред и 15-годишниот Медокс, кој стана и главен повод за разводот на Брандџелина. Според информациите што беа јавно објавени, актерот го удрил својот син во излив на лутина. Соработници на одделот за заштита на децата, меѓутоа не пронајдоа на телото на Медокс траги од удари. Сепак Медокс се уште одбива да се види со својот татко и ја одржува теоријата на мајка си дека бил удрен. На 19 септември оваа година Анџелина поднесе документи за развод, во кои посочи непремостливи разлики и побара целосна старателство над 6-те деца.