Директорот на Интер, Пиеро Аусилио изрази мислење дека новите кинески сопственици на клубот имаат постоечки ресурси, за да си дозволат некои од најскапите играчи во моментов, вклучувајќи ја и најголемата ѕвезда на Реал Мадрид, Кристијано Роналдо. Тој, сепак, изјави дека во овој момент тоа нема да се случи. Причината е дека “нероазурите” се под мониторинг поради финансискиот ферплеј на УЕФА.
“Новите кинески сопственици можат слободно да си дозволат некои од најпознатите фудбалери во моментов, како што Кристијано Ронадо. Но вистината е дека не можеме да си го дозволиме, поради тоа што сме под мониторинг поради финансискиот ферплеј “, рече директорот.
Пујол: Роналдо е добар, но не колку Меси
“Треба да се смета со соодветните параметри. Нашите приходи во моментов се 200-300 милиони евра “, рече уште Пиеро Аусилио.