102
Македонската ракометна репрезентација претпладнево пристигна во Загреб каде ќе ги игра натпреварите од Ц-групата на Европското првенство кое почнува утре.
Македонија предводена од селекторот Раул Гонзалес во текот на денешниот ден ќе тренира во хрватската престолнина, а веќе в сабота ја очекува првиот дуел со Словенија.
Според најавите „црвено-жолтите“ ќе имаат голема помош од навивачите кои се очекува во илјадници да пристигнат од сите делови на Македонија, но и од дијаспората во Европа.
Покрај Македонија и Словенија, во Ц-групата се и селекциите на Германија и на Црна Гора./МИА