Грчката комерцијална флота се подготвува да емигрира, ако новата влада наметне данок на бродските магнати. Лидерот на левата коалиција СИРИЗА, која се очекува да победи на референдумот во неделата, предвидува оданочување на трговска флота. Во исто време половина милион Грци одбиваат да платат вонреден данок на имотот, воведен од Владата на Јоргос Папандреу. Грчките бродски магнати го предупредија лидерот на партијата СИРИЗА дека нема да дозволат оданочување на приход со даноци.

Изјавите на Алексис Ципрас предизвикаа негативни реакции на асовите на грчкиот превоз, кои потсетија дека имаат “даночен интегритет”. Грција контролира 15% од бродовите во светската трговска флота и обезбедува илјади работни места. Според експертите, ако следната влада во Атина воведе дури и минимално оданочување на приходите на трговска флота, сопствениците на бродови ќе ја напуштат Грција.

Министерството за финансии во Атина се покажа немоќно да ги принуди 500 000 Грци, сопственици на недвижен имот, да платат предвремен данок. Тој се воведе со сметките за струја, но беше оспоруван преку судовите. Грците месечно ги плаќаат своите обврски за електрична енергија, но не и данокот за имотот. Главните политички сили ветуваат дека ќе го отстранат невозможниот данок за невработени и пензионери.