„Милиот водач“на Северна Кореја всушност бил Русин бидејќи таму наводно е роден. Ниските луѓе ги депортирал, бил најдобар играч на голф во светот, можел да го контролира времето…
Се чинело дека целиот Ким Јонг–ил зрачи со нешто. Можеби тоа било поради неговиот стил на облекување, а можеби поради неговата способност на сите работи да гледа без никаква насмевка. Кои и да се причините, дефинитивно не недостасуваат смешни, бизарни или чудни факти за Ким Јонг-ил кои можат да се најдат на интернет.
Иако го наследил во најмала рака еднакво чудниот и ништо помалку контроверзен син Ким Јонг-ун, интересно е да се потсетиме по какви „лудости“ бил познат Ким Јонг-ил.
Роден е под дупло виножито
Значи, да тргнеме од почеток- годината на раѓање. Имено, ни тоа не се знае со сигурност.
Според Ким Јонг-иловата службена биографија, роден е на 16 февруари 1942 во тајниот воен камп на севернокорејската планина Баекду, во текот на јапонската окупација, а пророците го најавиле неговото „доаѓање“ со дупло виножито, а на небото се појавила дури и нова ѕвезда.
Но, по сè изгледа дека вистината е многу поуверлива. Имено, според советските податоци Ким Јонг-ил е роден во сибирското село Вјацкоје 1941 година. Значи, бившиот севернокорејски водач бил всушност Русин.
Обожавал водоскоци
Според сателитските слики на некои куќи на Ким Јонг-ил (наводно ги имал 17), изгледа дека „Милиот водач“ многу се трудел да има мноштво луди, вртечки водоскоци.
Се плашел од летање
Ким Јонг-ил наводно имал голем страв од летање, па секогаш патувал во оклопни приватни возови, а неслужбено во еден таков најпосле и умрел. Наводно и неговиот татко, Ким втори-сунг исто така се плашел од летање.
Ги киднапирал и депортирал луѓето со низок раст
Според наводите на еден од неговите бивши учители, Ким Јонг–ил користел памфлети со кои рекламирал лекови за растење. На тој начин ги мамел луѓето со низок раст во замка. Тие би се пријавиле за лек, но лекот го немало. Ким ќе ги заробел и депортирал на „ненаселените севернокорејски острови“ за да го исфрли нивниот генетски код од Севернокорејците. Депортираните никогаш не се пронајдени.
Бил најдобар играч на голф на светот?
Ако ѝ се верува на севернокорејската национална телевизија, Ким Јонг-ил бил најдобар спортист на светот, или барем голф играч. Имено, 1994 год „Милиот водач“ го соборил рекордот во голф. За 11 од 18 дупки му бил потребен еден удар, па неговиот вкупен резултат од 38 удари претставува најдобар резултат во историјата на таа игра. А што е најдобро од се, тоа на Ким Јонг-ил му била прва средба со голфот, никогаш порано не го играл. Веста навистина била фасцинантна да ја пренела било која медиумска куќа, но не ја пренела.
Можел да го контролира времето
Според некои извештаи, бившиот водач ги поттикнал гласовите дека дождот може да паѓа на негово барање, зависно од неговото расположение тој ден.
Киднапирал двајца режисери да снимат римејк на „Годзила“
Ким Јонг-ил бил голем филмофил. Во својата колекција имал повеќе од 20.000 филмови, а наводно најдраги филмови му биле Петок 13, Рамбо и Годзила.
Ким во 1973 напишал и книга „За уметноста на филмот“ која станала прирачник за сите севернокорејски режисери. Незадоволен од нивните филмови, ја земал работата во свои раце. Не, не снимил филм, туку во 1978 го киднапирал респектабилниот јужнокорејски брачен пар (Шин Санг Ок и Чои Еун Хееј) и ги присилил да снимат римејк на Годзила.
Неговиот филм со име „Пулгасари“ се појавил во кината дури откако парот присилно се земале повторно во 1983 година по годините поминати во беласкиот камп. Успеале во 1986 година да побегнат во Виена, каде што се пријавиле во американската амбасада.
Погреб како сцена од филмот „ На огнената линија“
Колку ги сакал филмовите покажува и неговиот закоп. Имено, неговото испраќање во кое неговото тело се вози во црно погребално возило, а до него одат неговите најблиски, неодоливо потсетува на американскиот блокбастер „ На огнената линија“ со Клинт Иствуд.
На пет години го убил својот помлад брат?
Кимовиот помлад брат Ким Шу-ра се удавил во базенот на семејната куќа во Пјонгјанг на возраст од пет години. Советските медиуми известувале како младиот иден водач можеби е одговорен за тој инцидент.
На скапоцен коњак годишно трошел 700.000 долари
Според студијата на др Џеролд Пост, бивш психолог во CIA-, Ким Јонг-ил го обожавал Коњакот Hennessey, кој во Северна Кореја се продава за околу 630 долари по шише,што е малку под просечната плата во Северна Кореја.Според др. Пост, Ким годишно го пиел тој коњак во вредност помеѓу 650 и 720.000 долари.
Не одел во WC- бидејќи не ни требал
Можеби и најбизарна работа која може да се пронајде на Интернет за Ким Јонг-ил е оној за одењето на местото каде и „царот оди пешки“. Имено , според службената биографија која е објавена на државниот веб на Северна Кореја , Ким Јонг-ил никогаш не одел во WС, и тоа затоа што „Милиот водач“ за тоа никогаш немал потреба. Иако таа информација за кратко време по објавувањето на веб се тргнала, легендата и понатаму останува.
Себе си се сметал за стручњак за Интернет
Граѓаните на Северна Кореја не можеле слободно да користат мобилни телефони и Интернет, но Ким Јонг-ил за себе сметал дека е комуникациски стручњак. „И стручњак сум за Интернет, исто така, наводно му рекол на јужнокорејскиот претседател 2007. „ Во ред е Интернетот да биде достапен во индустриската зона, но ќе дојде до многу проблеми ако допуштиме и во другите региони на Северна Кореја“, кажал тогаш Ким Јонг-ил.
Ја присилувал послугата да стане зависна од лекарства
Еден бивш член на Ким Јонг-иловата послуга напишал книга во која рекол дека „Милиот водач„ ги присилувал луѓето да ги земаат истите лекови против болки како тој. Зошто? За да не биде само тој зависен од нив. Инаку , Ким Јонг–ил станал зависен од лековите откако претрпел страшен пад од коњ.
Jадел магаершко
Еден од бившите Кимови кувари 2004 година изјавил дека нивниот водач развил истенчен вкус за француско вино, јастози и – магарешко месо.
Имал многу, но навистина многу титули
Меѓу бројните службени титули на Ким Јонг-ил биле: Светлечка ѕвезда на Паекту планината, Водечкиот зрак на Сонцето, Милиот водач , Големиот водач, Почитуваниот водач, Брилијантниот водаш, Сонцето на социјализмот, Големото сонце на Животот, Големиот Човек кој се спуштил од небесата, Непобедливио и секогаш триумфален генерал и Најголема инкарнација на револуционерната братска љубов…
Со бројните титули, кои ги има наводно 50, во Северна Кореја службено постои и цвет наречен по „Милиот водач“- Кимјонгилиа.
Бил опседнат со ориз, и тоа баш со секое зрнце
Ако е да му се верува на внукот на Кимовата прва сопруга Ли Јанг Наму, „Милиот водач„ наредил на женската послуга да го прегледа секое зрнце кое ќе го изеде за да биде сигурен дека е со стандардна должина, тежина и боја.
Ги изумил хамбургерите?
Севернокорејските весници „ Minju Joson“ еднаш известиле дека изумил „месо помеѓу две парчиња леб“ за да ги нахрани учениците и учителите. Бидејќи се знае севернокорејскиот антиамерикански став, никогаш не сакале да признаат дека во суштина се работи за најобичен хамбургер.
Ги терал келнерките да одат на пластична операција
Според едно известување, Ким Јонг-ил келнерките во Пјонгјанг кои често ги посетувале странци, ги присилил да направат пластична операција за да изгледаат повеќе „западно“.
Со џиновски зајаци сакал да ја запре гладта
Планирал да одгледува џиновски зајци за да го реши проблемот на гладта во Северна Кореја. Но, го предупредиле дека со такви зајци само ќе ја влоши ситуацијата.
Имено, тие даваат сè на сè седум килограми месо, а имаат огромен апетит за моркови и компири.
Кога тој престанал да пуши, сите престанале да пушат
Кога поради нарушената здравствена состојба морал да се откаже од цигарите, Ким Јонг –ил целата земја ја присилил да го стори истото- им ги забранил цигарите на сите. Покрај тоа, ги забраним мобилмните телефони, весниците, интернетот и книгите.
Изградил град на духови за пропаганда
Ким Јонг-ил имал еден потполно празен град, кој му служел за пропаганда. Кјонг- донг е град точно на границата на Северна и Јужна Кореја. Во градот имало многу згради и станови обоени во светли јаки бои. Но одблиску можело да се види дека се бетонски черупки кои немаат ни прозори ни внатрешни простории. Светлата ана тие згради се вклучуваат и гасат автоматски во однапред зададени термини, ги чистат тротоарите за да му дадат на градот илузија на активност.
С.В.