Ким Кардашијан наводно се обвинува самата себеси за вооружениот напад што се случи во понеделник изутрината во Париз, по кој таа беше оставена врзана во купатило откако молела за нејзиниот живот. Колку и да е тажен инцидентот сепак тоа не претставува изненадување. Taa не е единствената личност што мисли така, сметајќи го фактот што повеќето корисници на твитер како и познатиот моден дизајнер Карл Лагерфелд, мислат дека целата оваа ситуација е грешка на Ким бидејќи таа цело време се фали со нејзиното богатство.
“Ким е шокирана и се чувствува дека самата е виновна. Таа не може да престане да се окривува себеси, затоа што го покажуваше дијамансткиот прстен на социјалните мрежи и го носеше цело време. Овој инцидент предизвика таа да се запраша за се. Како се облекува, што прави.” изворите пренесуваат за “People”.
Ким исто така го одбила Канје, кога тој се понудил повторно да и купи таков прстен.
“Канје сака повторно да и купи ист таков прстен, меѓутоа таа вели дека не сака повеќе да размислува за тоа. Додека тој вели дека сака се да се врати назад во нормала и инцидентот повеќе да нема влијание на нивните животи.” додава изворот.