89
Светскиот шампион од 1970 година Карлос Алберто Торес, кој се смета за еден од најголемите фудбалери за сите времиња, почина на 72-годишна возраст од срцев удар, соопштија бразилските медиуми.
Карлос Алберто беше капитен на познатиот бразилски тим кој освои трета светска титула на СП 1970. По завршувањето на кариерата тој се занимаваше и со политика. Во 2008 година беше кандидат за заменик-градоначалник на Рио де Жанеиро, но не беше избран. Левиот бек забележа 53 средби за Селесао во периодот 1964-1977 и постигна 8 гола. Еден од нив тој реализира за победата на Бразил над Италија со 4: 1 во финалето на Светското првенство во 1970 година во Мексико. За Сантос има 445 натпревари и 40 погодоци.