Македонија не е ниту во НАТО, ниту во ЕУ, но мораше да ја спасува Унијата од ЕУ. Ова го изјави македонскиот претседател Ѓорге Иванов за време на регионалната бизнис конференција “Сами 100” во Сараево со учество на лидери од Западен Балкан.

Македонија подигна оградата и не ги пушти  мигрантите да влезат во ЕУ, рече претседателот. Според него ОН, ЕУ, НАТО и ОБСЕ останале во 20 век и не се адаптирале кон 21 век. “Додека Брисел мислеше што да преземе, решивме да прогласиме  вонредна состојба, да испратиме војска на границата и да го регулираме миграцискиот  поток. Кризата беше шанса за соработка меѓу сите земји од западниот балкански коридор. Тоа беше позитивен пример како треба да се справуваме со такви предизвици “, истакна шефот на државата. “Македонија е чколски пример за погрешен пристап и на ЕУ и на НАТО. Македонија е школски пример како не треба да се однесуваат ниту НАТО, ниту ЕУ кон земја кандидат. Ние станавме колекционери. Имаме 17 планови за членство во НАТО, тоа е  рекорд , нема ниту една држава во светот, чија армија е толку  проверувана  повеќе од македонската армија “, истакна претседателот, предизвикувајќи аплауз меѓу присутните. Зборувајќи за односот на ЕУ кон Македонија, тој потсети дека досега земјата има 7 препораки за почеток на преговорите за пристапување, но никакви промени. “Стоиме на едно место. Бидејќи судбината ни определила да имаме сосед, со кој не може глава да извадиме  ниту во  Европската унија, ниту  во целиот свет “. Овој сосед е Грција “, посочи претседателот по повод спорот со Атина за името на Македонија.