Новоизбраниот претседател на Франција, Емануел Макрон оцени дека предрасудите за неговата 24 години постара сопруга се засноваат на „омраза кон жените“.
– Многумина тврдат дека нашата врска не е одржлива и оти не е возможна. Тоа се тврдења на женомрасци и приврзаници на традиционални, хомогени ставови за опшеството, истакна Макрон.
Тој додаде дека луѓето кои шират такви гласини или веруваат во нив „изгубиле чувство за реалност“ или имаат „поприличен проблем со хомосексуалноста.
Тој во интервју за „Паризјен“ пред изборната победа изрази уверување дека на никого не би му паднало на памет да ја осудува неговата љубовна врска ако неговата сопруга беше 20 години помлада од него.
Макрон (39) сегашната сопруга Брижит Троње (64) ја запознал како 15-годишен ученик, кога таа му била наставничка по драма. Родителите на Макрон биле шокирани кога разбрале дека нивниот син тинејџер е во љубова врска со омажена наставничка.
LE TOUQUET-PARIS-PLAGE, FRANCE – APRIL 23: Brigitte Trogneux, wife of the French presidential candidate Emmanuel Macron for the En Marche ! movement, speaks with supporters as she leaves the Touquet polling station after voting for the 1st round of French presidential election on April 23, 2017 in Le Touquet-Paris-Plage, France. (Photo by Sylvain Lefevre/Getty Images)
Тие се венчаа во 2007 година, кога Макрон имаше 30, а Троње 54 години.
Француските медиуми, новата прва дама, мајка на три деца и баба на седум внуци, ја опишуваат како сеприсутна во животот на Макрон. И таа изјави дека повеќе од 20 години „со него е подготвена на се“.
Интересно е што разликата во години меѓу Макрон и неговата сопруга е иста како старосната граница меѓу американскиот претседател Доналд Трамп и неговата сопруга Меланија, само во обратна смисла.