Три дена по седницата на Уставен, по лавината реакции и граѓански протести, од Кабинетот на Иванов денеска  за Алсат М одговорије: „Претседателот Ѓорге Иванов досега не коментирал иницијативи или одлуки на уставниот суд.“

Алсат М побара став и од Уставниот суд за протестите, но лицето за контакт со јавноста, одговорило „дека јасно било кој стои зад нив“

СДСМ денеска на прес конференција обелодени постоење на како што велат  партиско – фамилијарни инсталации на ВМРО – ДПМНЕ во Уставниот суд.

„Ќерката на Елена Гошева, првата судика во Уставниот суд, Слободанка Гошева била потпретседателка на подмладокот на ВМРО – ДПМНЕ, УМС. Сопруг на Слободанка Гошева Гиевска е Игор Гиевски, поранешен претседател на УМС на ВМРО – ДПМНЕ. Слободанка Гошева Гиевска, беше претседател на Пописна комисија во пописот што не се спроведе. Сопруг на Елена Гошева е Ѓорѓи Гошев, поранашен директор на Студентски центар, назначен од ВМРО-ДПМНЕ“, рече Петре Шилегов – портпарол на СДСМ.

За ова  од ВМРО-ДПМНЕ одговорија:
„На јавноста ù е сосема јасно дека ВМРО-ДПМНЕ цврсто стои зад ставот во врска со актуелната иницијатива пред Уставниот суд и тоа не е променето од 2009 до сега. СДСМ во 2009 беше со став дека измените во законот се неуставни и дека ќе паднат пред Уставниот суд. Затоа веќе трет ден се крие и Цветанка Иванова и Емилијан Станковиќ и сите членови на партијата кои во 2009 година гласаа против измените во законот за помилување…“

.