Турската Влада предложи продолжување на вонредната состојба

Турската Влада денеска до Парламентот во Анкара достави барање за продолжување на вонредната состојба во Турција за уште три месеци.

Во соопштението на Кабинетот на турскиот премиер Бинали Илдирим се наведува дека новото продолжување на вонредната состојба би требало да стапи во сила од среда 19 јули.

Вонредната состојба во Турција беше воведена по неуспешниот обид за воен удар до јули минатата година и отогаш е постојано продолжувана на период од три месеци.