Министерството за одбрана на Велика Британија објави снимка од својот авион Тајфун како погодува цел во Јемен.
На нишанот на авионот се гледа зграда, пред да настане голема експлозија. Тоа била една од двете области кои ги таргетирала Велика Британија, наведе министерството.
🇬🇧-🇾🇪#UK's RAF released footage of its Eurofighter Typhoon fighter jet conducting airstrikes last night in #Yemen against #Houthis targets with Paveway missiles. pic.twitter.com/HL8PyjaSnG
— ConflictLive 🌐 (@conflict_live) January 12, 2024
Потсетуваме, американските и британските сили извршија напади врз бунтовниците Хути во Јемен во четвртокот вечерта. Нападите биле лансирани од воздух и од море, а биле користени авиони, бродови и подморници.
🇬🇧🇾🇪 The UK Ministry of Defense has released footage of four Eurofighter Typhoon multi-role fighters and an Airbus A330 MRT multi-role tanker involved in today's missile airstrikes in #Yemen.
The aircraft operated from RAF Akrotiri Air Base in Cyprus. pic.twitter.com/DAXptqgelA
— Emeka Gift Official (@EmekaGift100) January 12, 2024
Нападот уследи откако Британија и САД предупредија дека „може да има последици доколку бродовите постојано бидат гаѓани во Црвеното Море“.
Еден од челниците на Хутите, Хусеин Ал Изи, изјави дека САД и Велика Британија „ќе платат висока цена“ по нападот врз позициите на бунтовничката група во Јемен. Портпаролот на јеменските Хути изјави дека нема оправдување за оваа акција на САД и Велика Британија, пренесува „Ројтерс“.