Првиот интегративец Али Ахмети пред почетокот на средбата со еврокомесарот Хан изјави дека на ВМРО-ДПМНЕ му следува да кандидира премиер, но дека не е разговарано во детали за оваа одлука.

” Сметам дека сите институции треба да се изјаснат за оваа одлука и да дадат проценки и мислења до каде се стигнати подготовките за организирање избори. Ги правиме сите напори за да дојдеме до конечно решение затоа што земјата ја очекуваат многу значајни прашања. Не мислам дека датумот е главниот проблем, туку неколку технички прашања. Сметам дека сме многу блиску до решение и согласност од сите страни, но ќе видиме покасно. Методологијата за прочистување на Избирачкиот список и прашањата за медиумите се техничките прашања за кои се разговара. Сметам дека ќе има решение, но сепак ќе почекаме, ќе видиме колку може да се доближат овие прашања за кои сметам дека не постојат големи разлики, изјави Ахмети по средбата.

Хан: Се надевам дека ова ќе биде добар ден

На новинарско прашање дали е можно одложување на изборите за месец или два, Ахмети нагласи деке не смета оти има простор за тоа и додаде дека првенствено треба фокусот да се стави на прашањата околу стандардите кои треба да се исполнат за организирање избори. Сепак, рече, конечниот збор за стандардите треба да биде кажан од институциите коишто ги организираат и мониторираат изборите – ДИК, ОБСЕ, ОДИХР.

И лидерот на ДПА пред средбата посочи дека остануваат на ставот закажаните предвремени избори дека не треба да се одложуваат.