Баварија: Жена нападнала со меч неколку лица, има повредени

Полицијата уапси жена во германската покраина Баварија, која е осомничена дека со меч нападнала неколку лица.

Жена повредила неколку лица со меч денеска во центарот на Вајден ин дер Оберфалц, во германската покраина Баварија.

Очевидци на нападот повикале полиција и пријавиле дека жена нападнала неколку лица со предмет налик на меч.

Полицијата по пристигнувањето на местото на нападот ја привела жената и соопштила дека повеќе нема никаква опасност за населението.

На местото на настанот пристигнала брза помош и била укажана на неколку повредени лица.

Други детали за овој напад засега не се познати.