Тренерот во Реал се смени, но Герет Бејл продолжи да тера како и досега.
Велшанецот е без натпревар откако се врати од последната репрезентативна пауза, а одлуката на Карло Анчелоти дополнително крена прашина.
Бејл не е во составот за мечот со Шахтјор од Лигата на шампионите, но ќе настапи уредно за репрезентацијата на Велс.
– Посветен е на работата, ако целосно закрепне, одлично е да игра за Велс, да добива минутажа и потоа да го имаме на располагање по паузата – даде малку чудна изјава Анџелоти.
Оваа изјава не остана незабележана од новинарот Хави Херез.
– Не разбирам, па тренира за Реал и игра за Велс – прашува.
Хулио Пуљидо го имаше истиот тон.
– Самиот Анџелоти не верува во тоа што го кажа, тој изгледа го правда човекот кој им се смее на соиграчите и на клубот што го плаќа. Можеби тренерот треба да размисли како се чувствуваат другите играчи – изјави новинарот.
Раководството на Реал станува нетрпеливо за Бејл, кој продолжува како и досега, а притоа не игра.
Бејл е еден од најплатените играчи на денешницата, со годишна плата од 17.000.000 евра.