Угледниот англиски сервис Би -Би -Си направи анализа и направи анкета меѓу своите фудбалски експерти и новинари. Од тие 20, дури 13 веруваат дека Манчестер Сити повторно ќе ја освои титулата, додека седум проценуваат дека Челси е најблиску до тронот. Ливерпул и Манчестер Јунајтед не добија гласови за првото место.
Во пресрет на почетокот на Премиер лигата, Би -Би -Си ги праша своите фудбалски експерти, меѓу кои има многу поранешни репрезентативци и легенди на англискиот фудбал, кој ќе биде новиот државен шампион. Односно, секој мораше да ги именува првите четири екипи според негово мислење. Значи, кој ќе биде во Топ 4?
Меѓу учесниците во анкетата беа најдобриот стрелец во Премиер лигата на сите времиња, Алан Ширер, потоа Марк Лоренс, Мартин Кион, Крис Сатон, Дени Марфи, Метју Апсон, Роб Грин, Мика Ричардс, Стивен Ворнок, Ешли Вилијамс…
Сите тие се согласуваат дека шампионот ќе се бара помеѓу два клуба – Манчестер Сити и Челси, актуелни шампиони на Англија и Европа. Процентуално, тимот на Пеп Гвардиола доби повеќе гласови.
Двата најпознати и најтрофејни англиски клубови на сите времиња, Ливерпул и Манчестер Јунајтед ќе се борат за третото и четвртото место. Така мисли Би -Би -Си. Ливерпул освои три гласови за второто место, Јунајтед еден глас помалку за истата позиција, но ниту еден не беше виден како број 1.
Интересно е што освен споменатите четири клуба, само Лестер „влезе“ во конкуренција за едно од првите четири места. И тоа доби буквално еден единствен глас за позицијата број 4.
Според прогнозите на експертите на Би -Би -Си, Арсенал, Тотенхем, Евертон… не се ни блиску до Топ 4.
Што мислите вие?