„Боинг 737“ се урна во Западна Австралија. Медиумите наведуваат дека се работи за авион кој се занимавал со гаснење пожар.
Според извештајот на австралиската ТВ мрежа ABC, двајцата пилоти кои управувале со авионот успеале да се спасат и се здобиле со полесни повреди.
#BREAKING A 737 Plane has crashed in Western Australia. #boeing #Aircraft pic.twitter.com/JRsvCgFmKF
— Sourced News (@sourced_news) February 7, 2023
Авионот ѝ припаѓал на компанијата „Колсон авиејшн“ и бил ангажиран во гаснењето на два големи пожари кои гореле во националниот парк „Реката Фицџералд“, кој се наоѓа на околу 275 милји југозападно од Перт.
„Боингот“, како што се наведува, веќе извршил два лета, но проблемот настанал при третиот лет во гаснењето на пожарот. Наводно, дошло до проблем при подигнувањето на леталото, кое не успеало да се искачи на потребната висина.