Премиерот Бојко Борисов поднесе оставка пред новоизбраното 45-то Национално собрание од Советот на министри кое го предводи тој, објавија бугарските медиуми.
Писмото на премиерот Борисов, со кое тој поднесе оставка од кабинетот, денеска беше доставено до претседателот на Националното собрание преку канцелариите на двете институции.
Во согласност со чл. 111, ст. 3 од Уставот, Владата предводена од премиерот Борисов ќе продолжи да ги извршува своите функции до изборот на нов Совет на министри и ќе постигне континуитет во управувањето.
Третиот кабинет на Борисов стапи на должност на 4 мај 2017 година. Ова е прв мандат што лидерот на ГЕРБ го заврши како премиер, откако тој беше принуден да поднесе оставка во претходните две години пред нивното истекување.