Докторка од Тексас, Бретани Бенкхед-Кендал, која лекувала илјадници пациенти заразени со коронавирус од март минатата година, ги откри последиците од ковид-19 врз белите дробови.
Имено, таа сподели три рендгенски снимки од бели дробови на својот профил на Твитер: на еден здрав пациент, на еден пушач и на еден пациент кој го прележал коронавирусот.
„Не знам кој треба да го види ова, но белите дробови по ковид изгледаат полошо од било кој вид на бели дробови на пушач што некогаш сме ги виделе. И тие колабираат. И се згрутчуваат. И отежнатото дишење се задржува и понатаму“, напишала покрај со рендгенските снимки.
I don’t know who needs to hear this, but “post-Covid” lungs look worse than ANY type of terrible smoker’s lungs we’ve ever seen.
And they collapse. And they clot off.
And the shortness of breath lingers on… & on… & on.
— Brittany Bankhead-Kendall MD (@BKendallMD) January 4, 2021
Снимката од белите дробови на здрав пациент е бистра бидејќи тие имаат многу црн простор, што укажува на тоа дека некое лице може да вдише многу воздух. Гледајќи ги снимките на белите дробови на пушачот, се забележува магловитост што укажува на лузни и блокади.
На третата слика се прикажани бели дробови по ковид, кои изгледаат скоро целосно бели, што значи дека белите дробови се сериозно оштетени.
COVID LUNGS
Texas doctor @BKendallMD tells me “post-COVID” lungs are worse than any smokers lungs she has ever seen. And it’s a trend she is witnessing in current and recovered patients. Our story tonight on @NewsNationNow.
Scroll: 1) Healthy 2) Smokers 3) COVID pic.twitter.com/Iu9V8OrpnK
— Markie Martin (@MarkieMartin) January 5, 2021
Откако нејзиниот твит доби големо внимание и илјадници одговори, докторката беше поканета да каже неколку зборови во вестите на Си-Би-Ес.
„Сите се толку загрижени за смртноста и тоа е страшно и ужасно. Но, скоро сите преживеани луѓе кои имале корона исто така можат да се соочат со проблеми“, рече таа.
Докторката тврди дека дури и асимптоматски случаи на корона можат да остават пациенти со сериозно оштетување на белите дробови.
„Сè уште има луѓе кои велат: ‘Добро сум, немам никакви проблеми’, но кога ќе им го снимите градниот кош, гледате дека белите дробови им се во ужасна состојба“, рече докторката.
Таа исто така додава дека ако пациентот почувствува отежнато дишење по ковид, треба да остане во контакт со неговиот лекар од примарна здравствена заштита.