ДОНЕСЕНА ОДЛУКА дали бремените жени можат да се вакцинираат со вакцината на „Фајзер“

од Stefanija Kuzmanovska

Лица на возраст од 16 и 17 години и бремените жени можат да се вакцинираат со вакцината на „Фајзер“ против ковид-19, заклучи Експертскиот комитет за имунизација на состанокот одржан на 26 април.

– Според заклучокот на Експертскиот комитет за имунизација, лица на возраст од 16 и 17 години можат да се вакцинираат против covid-19 со вакцината на Pfizer-BioNTech, по препорака на надлежен педијатар, при што образецот за согласност за вакцинација го потпишува лицето кое се вакцинира во согласност со законот за правата на пациентите. Се дава интрамускулно во две дози (секоја доза од 0,3 ml) со интервал од три недели (21 ден) помеѓу дозите – пишува во документот.

Овој документ додава дека вакцината на „Фајзер“ не треба да се заменува со која било друга и дека треба да се даде втора доза од истата вакцина по првата доза на оваа вакцина.

– Нема достапни податоци за заменливоста на вакцината Pfizer-BioNTech против ковид-19 со други вакцини против ковид-19 со цел да се заврши серијата вакцинации. Луѓето кои примиле една доза од вакцината на Pfizer-BioNTech треба да добијат и втора доза Pfizer-BioNTech за да ја завршат серијата вакцинации, се вели во документот.

Во согласност со ревидираните препораки на Експертскиот комитет за имунизација, бременоста не е контраиндикација за употреба на вакцината на „Фајзер“ против ковид-19.

„По првиот триместар од бременоста, бремените жени можат да се вакцинираат со вакцината на Pfizer против ковид, по консултација со надлежен гинеколог и со индивидуална проценка на придобивките и ризиците од вакцинацијата“, стои во препораките на Стручниот комитет.

loading...

Слични содржини