Турскиот претседател Реџеп Таип Ердоган денес изјави дека неговата земја, во случај на нов напад врз турската војска во Сирија, ќе ги прекине договорите и ќе ги нападне сириските сили каде и да се.
Ердоган зборуваше на редовната парламентарна средба во име на Партијата за правда и развој, осврнувајќи се на тековните настани. Во фокусот на обраќањето на Ердоган беа најновите судири меѓу турските и сириските владини сили во Идлиб.
Ердоган рече дека Турција нема да толерира никаква ароганција или провокација.
„Турција нема да биде тивок набудувач на напади врз цивили во Сирија дури и кога сите други ќе ги затворат очите, ќе им свртат грб и ќе останат без својата совест“, додаде тој.
„Во случај на нов напад врз нашата армија во Идлиб, Турција ги прекинува договорите и ги напаѓа режимските сили насекаде“, рече Ердоган.