Еврокомесарот за управување со кризи: „Реална опасност од блекаут во Европа“

Европскиот комесар за хуманитарна помош и управување со кризи, Јанез Ленарчиќ, ја смета за реална опасност од „блекаут“ во ЕУ.

„Можно е да биде потребна помош и во рамките на ЕУ“, рече еврокомесарот на прашањето дали постои реална опасност да има голем прекин на електричната енергија во Европа.

Ако само одреден број земји-членки се погодени од проблемот, како што е прекин на струја, другите земји од ЕУ би можеле да испорачаат генератори за електрична енергија преку Европската комисија, како што се случува во случај на природна катастрофа, објасни комесарот.