Спротивно на гласините Себастијан Фетел изјави дека нема намера да го напушти Ферари, иако титулата за 2018 изгледа недостижна. Неодамна, Германецот се пофали дека го вози најдобриот автомобил во Формула 1 и можеше да ги победи Мерцедес и Хамилтон. За жал, сепак, во Италија, Сингапур и Јапонија грешките беа многу големи и перформансите на автомобилот беа значително ослабени.
Сепак, Фетел верува дека духот на тимот продолжува да биде силен. „Нема да го напуштам Ферари. Јас сум дел од тимот, сакам тоа да остане така и ништо друго“, рече тој, цитиран од „Auto Bild“.
„Денес, шетајќи низ гаражата, гледам напорна работа на целиот тим, што сметам дека е силно инспиративно. Екипата дејствува под полна пареа, а тоа помага, бидејќи последните недели беа особено тешки. И покрај сѐ, нашиот дух не е скршен. Значи ќе продолжиме да се бориме, да се спротивставиме и да видиме што ќе донесат преостанатите трки“, вели Германецот.
Покрај Фетел, лидерот на тимот, Маурицио Аривабене, исто така, е под притисок бидејќи неговата позиција станува понестабилна. Ова се подгрева од присуството на Матиа Биното – човекот кој Серџо Маркионе го подготвуваше за заменик на Аривабене пред да почине. Аривабане е поврзан со можен пост во Јувентус, но тој сè уште не ги коментирал информациите.
Во врска со Големата награда на Јапонија, шефот на „Скудерија“ рече: „По она што се случи во квалификациите, тимот и пилотите се бореа силно во трката. Подиумот можеше да биде достижен, но за жал поради оштетување и по двата болиди, финалниот резултат беше таков. Иако сега ситуацијата изгледа многу тешка во однос на шампионатот, ние ќе се бориме во следните неколку стартови и ќе се стремиме кон најдоброто, задржувајќи концентрација и одлучност“.