Британскиот боксер Тајсон Фјури (33) ја одбрани светската титула во тешка категорија и го задржа појасот од ВБЦ откако го нокаутира 35-годишниот Американец Дионтеј Вајлдер во 11.рунда од долгоочекуваната борба во „Т-Мобиле Арена Лас Вегас“ во саботата навечер.
Тоа беше нивна трета борба и втора последователна победа за Фјури кој на тој начин остана непоразен. Во 32 -та професионална борба, тој стигна до 31 -та победа со едно реми од првата борба против Вајлдер 2018. За Американецот, ова беше негов втор пораз во 45-та борба и остана на 42 победи, од кои 41 ги постигна со нокаут или прекин.
Во многу атрактивна борба Вајлдер беше поагресивен на почетокот и ја освои првата рунда на поени, но Фјури се наметна многу брзо и во третата рунда силно го потресе Американецот кој за првпат беше соборен, но успеа да остане на нозе до крајот на рундата.
Кога изгледаше дека Британецот ќе тргне кон победа во четвртата рунда, се случи пресврт. Вајлдер се опорави и го испрати Фјури на подот двапати кон крајот на рундата. Но, британската ѕвезда во тешка категорија издржа до крајот на рундата, а потоа ја презеде контролата врз натпреварот, полека заморувајќи го Вајлдер, на кој му беше се потешко да остане на нозе.
Во деветтата рунда докторот требаше да процени дали Вајлдер ќе може да ја продолжи борбата поради оток на окото. Во десеттата рунда, судијата во рингот повторно му одбројуваше на Вајлдер, а во 11 -тата, по серијата аперкати и крошеа, Фјури за последен пат го испрати Вајлдер на подот, по што судијата ја прекина борбата.
„Тоа беше голема борба, вредна како која било трилогија во историјата на спортот. Дионтеј Вајлдер е врвен борец, тој навистина ме натера да го заработам хонорарот. Отсекогаш тврдев дека сум најдобар на светот, а тој е втор најдобар“, изјави Фјури по големата победа.
Британецот сега ќе чека можност да ги обедини сите титули и да стане првиот тешкаш по сонародникот Ленокс Луис, кој ќе стане неприкосновен светски шампион. Луис беше таков пред 21 година.
Но, останува да видиме против кого ќе се бори да ја консолидира титулата. Во моментов остануваат уште четири појаси (ВБА, ВБО, ИБФ и ИБО) во сопственост на Украинецот Олександар Усик, кој ги одзеде во септември од Британецот Ентони Џошуа.
Имено, Џошуа ја активираше клаузулата од договорот за реванш против Усик во саботата.
Усик беше вториот што спречи пресметка помеѓу Фјури и Џошуа што ќе се случеше ако Украинецот не му нанесеше втор пораз на Џошуа. Прво, на пат кон големата британска пресметка, која веќе беше договорена, Вајлдер се попречи кога доби тужба против Фјури во која тврдеше дека Британецот има договорна обврска да се бори против него по трет пат.
Во најавата за натпреварот, Фјури вети дека ќе го нокаутира Вајлдер и тој го исполни ветувањето.