Германскиот министер за здравство Јенс Шпан во петокот рече дека пандемијата на коронавирус во Германија стагнира откако беше во опаѓање неколку недели, додавајќи дека Ковид-19 „едноставно не се предава“.
– Не само што мутациите на коронавирус се причина за загриженост, туку и бројот на инфекции на дневна основа стагнира, рече Шпан.
Иако германската јавност се залага за олеснување на мерките и повторно отворање по строгата „блокада“, важно е да продолжиме внимателно со ова за да не го загрозиме постигнатото, посочи Шпан.
Бројот на новозаразени на 100.000 жители во текот на изминатите седум дена изнесува 56,8 на национално ниво, иако е малку помал од претходниот ден (57,1 процент), соопшти Националниот институт Роберт Кох.
Во последните неколку дена нема јасно намалување на бројот.
Федералната влада и 16 германски сојузни држави имаат зацртано намалување на инциденцата на инфекцијата на под 50. Посериозни чекори за ублажување на мерките треба да се преземат кога тој број ќе падне под 35.