Од синоќа жителите повеќе не можат да го напуштаат градот, а на оние кои живеат во таканаречените ризични зони, каде што се откриени случаи на зараза со Ковид-19, не им е дозволено да ги напуштат домовите, соопштија градските власти.
Градот, кој е на околу стотина километри од границата со Виетнам, вчера забележа 44 случаи на заразени со КОВИД од локално потекло. Пријавени се и голем број „увезени“ случаи на инфекција.
Властите соопштија дека е организиран тест на населението. Од почетокот на епидемијата, Кина спроведува стратегија на нулта ковид, која се состои во тоа да направи се што е можно за да се ограничи појавата на нови случаи на зарази, кои обично се регистрираат само неколку десетици дневно. Иако тие бројки изгледаат мали во споредба со оние кои секојдневно се регистрираат во другите делови на светот, тие ги принудуваат властите да бидат повнимателни, особено во времето кога во Пекинг се одржуваат Зимските олимписки игри до 20 февруари.
Сите странски учесници се затворени во еден вид санитарен балон одвоен од остатокот од главниот град. Градот Бајсе се наоѓа на околу 2.500 километри од најблиската олимписка арена. Во декември, 13 милиони жители на центарот на градот Ксиан во центарот на земјата беа ставени во строг карантин, откако бројот на случаи на инфекција скокна.
На ниво на цела Кина, на територијата на Кина се регистрирани 79 новозаразени со Ковид и 34 увезени случаи на инфекција.
Освен тоа, од 23 јануари досега се забележани повеќе од 300 случаи на позитивни на коронавирус во делот наменет за учесниците на Олимпијадата, а тие лица мораа да одат во изолација.