128
Нуклеарната централа Запорожје останува под руска контрола, како и градот Енергодар, соопшти градската управа.
„Во последно време медиумите под контрола на Киев активно шират лажни вести дека Русија наводно планира да се повлече од Енергодар и да ја напушти нуклеарната централа Запорожје. Оваа информација не е точна“, се вели во соопштението, пренесува РИА Новости.
Во соопштението се додава дека безбедноста на нуклеарната централа е целосно осигурана.