Солза Грчева, претседателката на политичката партија Глас за Македонија, за отвореното студио на ТВ 24 изјави дека изборниот модел мора да се менува. 
„Македонија е премала за 6 изборни единици, треба да имаме една и листите да бидат отворени. Луѓето треба сепак да знаат за кого гласаат. Собранието е толку извулгаризирано што сметам дека само ако сте далтонист можете да биде дел од него. Доволно е да разликувате само жолта, зелена и црвена боја. Се друго доаѓа како наредба од партиите што е крајна вулгаризација на демократијата“, смета Грчева.
Според неа, финансирањето на партиите е наказно и безобразно.
„Се собраа големите партии и во 4 очи си договорија два и пол пати поголем буџет. Да имате 4,7 милиони евра на располагање секоја година е навистина чудно. Со тоа си купуваат гласови и цели маала. Од друга страна имате и заробување на медиумскиот простор. Само 10 проценти од сите партии вон двата големи политички блока го делат медиумскиот простор“, изјави Грчева.