Во регионот на Бретања на северо-запад од Франција, пет полицајци се повредени при кршење на голема рејв журка, додека еден посетител се здобил со сериозни повреди на раката, јавуваат локалните медиуми.
„Судирите траеја повеќе од седум часа. Молотови коктели, топки, парчиња бетонски тули и петарди летаа во правец на жандармеријата. Пет жандарми беа повредени, од кои двајца беа пренесени во болница во Редон. Во таа ситуација, 22-годишник ја загуби раката“, изјавил префектот на одделот Ил и Вилен, Емануел Бертје, објави телевизијата БФМТВ на Твитер.
Тој додал дека префектурата Рен започнала истрага со цел да се утврдат околностите на несреќата со тешко повреденото момче. Како што рече, ситуацијата е повторно мирна на местото каде што беше организирана забавата.
Според телевизијата, вкупно седум лица биле повредени – петмина припадници на жандармеријата и двајца демонстранти. Околу 1.500 луѓе присуствувале на забавата, што не било дозволено за време на пандемијата на коронавирус. Полицијата употреби солзавец како одговор на агресијата на собраните, посочува телевизијата.
Rave party dans les pays de la Loire en hommage à Steve. Les forces de l'ordre interviennent pour empêcher l'installation. #SteveMaiaCanico #teknival #raveparty pic.twitter.com/2NQPmAao06
— Xenia (@XeniaReports) June 18, 2021
Како што се наведува, забавата, односно техничкиот фестивал, требала да трае неколку дена, а информациите за тоа се ширеа на социјалните мрежи. Организаторите не го наведоа точното место на одржување, па властите во неколку префектури, вклучувајќи ги Ил и Вилен, забранија какви било собири од ваков тип.
🇫🇷 FLASH – Les forces de l’ordre font usage de gaz lacrymogène pour disperser la #raveparty qui était en train de s’organiser à #Redon en hommage à Steve Maia Caniço. (via @CharlesBaudry) #teknival #freeparty
pic.twitter.com/K2esoXmvkY— Mediavenir (@Mediavenir) June 19, 2021
Забавата беше организирана во спомен на жителот на Нант, Стив Меј Канис, кој исчезна на 21 јуни 2019 година, по музичкиот фестивал кога полицијата ја растера толпата на брегот на реката Лоара.